O.N. Productions

Yfirtaka: (H)ANDAFLUG

Sviðslistahópurinn O.N. productions lætur hendur standa fram úr ermum þegar íslenska táknmálið tekur Iðnó yfir.
Gestir fá að spyrja og fræðast, leika og læra, njóta lista og kynnast menningarheimi Döff. Yfirtakan verður sannkallað hlaðborð af fjölbreyttum réttum á borð við vinnustofur, spjallstundir og táknmálskaffihús. Hápunkturinn verður skemmtidagskráin Haltu kjafti og horfðu! #2, þar sem Döff listafólk býður til veislu fyrir skynfærin, hláturtaugarnar og hjartað. 
Íslenska táknmálið ræður ríkjum en séð verður til þess að veita heyrandi þátttakendum aðgengi eftir þörfum.
Dagskrá:
12.00- 13.30 - Leiklistarnámskeið fyrir döff og coda börn (6 ára og eldri) Staður: Stóri salur í Iðnó
Kennarar: Uldis Ozols og Adda Rut Jónsdóttir FRÍTT! Skráningar á: addarut@gmail.com Nafn barns, aldur og nafn + símanr. forráðamanneskju.
 
13.30 - 14.30 - Táknmálsnámskeið fyrir heyrandi
Farið verður yfir grunntákn og setningar í íslensku táknmáli. Frábært tækifæri til að kynnast táknmálinu og læra eitthvað nýtt og spennandi. Staður: Stóri salur í Iðnó Kennari: Sólrún Birna Snæbjörnsdóttir FRÍTT! Skráning á doodle: <a rel="noopener noreferrer" href="https://forms.gle/QkLnVXPqrSd4j5aN8?fbclid=IwZXh0bgNhZW0CMTAAAR0qr1XkFHfKQiRyUy1dslyMpX9mAcPTxXVRZgpz24bagbDuwdm3SkhxjUQ_aem_AU2EJWcOsN8kkmfUvsHURXvms_qcv1hWlXaNH3wCqJ9Ne4QHfv1pTpkCXQF6qwVXjI5oia3inQue4IhzIOMFGmJC" target="_blank">https://forms.gle/QkLnVXPqrSd4j5aN8</a>
 
14.00 - 17.00 - Táknmálskaffihúsið opið Staður: Sunnusalur í Iðnó
Á táknmálskaffihúsinu fá gestir tækifæri til að spreyta sig í að eiga samskipti á táknmáli og verður táknmál eini gjaldmiðill kaffihússins. Hægt verður að styðja sig við myndir af táknum á veggjum rýmisins og starfsfólkið spjallar við gesti og aðstoðar þá við að æfa táknmálsfærnina. Upplagt er að skella sér fyrst á námskeiðið og kíkja svo á kaffihúsiði og æfa sig á eftir!
 
15.00 - 17.00 - Workshop fyrir döff "Er pláss fyrir Döff og táknmál í sviðslistaheiminum?"
Unnið verður útfrá þessari spurningu á vinnustofunni, sem verður bæði í formi fræðslum, umræðna og skapandi verkefna. Frábært tækifæri fyrir Döff til að skapa umræður og hafa áhrif.
Staður: Stóri salur í Iðnó Stjórnandi: Heiðdís Dögg Eiríksdóttir FRÍTT! Skráning á doodle: <a rel="noopener noreferrer" href="https://l.facebook.com/l.php?u=https%3A%2F%2Fforms.gle%2Fu9tWz7e5jjiM29Vv6%3Ffbclid%3DIwZXh0bgNhZW0CMTAAAR0K9WV7vLkEClPLMOR_BBruVPxXMnxwMrlUweEYqBLjujkoEVScwHsndAg_aem_AdtNbnYj9r4BrES9pijtFsAh_lXTohiSlNTKPIaC1xeeP4FDuez8IrePfYjYSwaEAKx-cB-htlhUBIwNcvUbUqrg&amp;h=AT1JpySQAzLA3oMGg7CsOy0VmFzyU_eSdzDa4KLeRt40xvcRuQ_UDLgt0VvUbv1VjC4-qViWWbrrgvb-Q6WDtbzobdSYV2Da3u5PGyGhzBP7r3nCJhIvPUYM-F0nXD6ZavknwZE&amp;__tn__=q&amp;c[0]=AT3nhigl-FnhDns5qFak5EYotNkXgwjjuTX7BaQz4Qdbo9jBheeTbfVWuDaRoFTaS8NewUsnpGX4-r0PooHY4PsOcMCUQOll1eXK8ThWeyzlGANTckwsra4VmfYA02Wxtkq_TRqloKow7Oe7StreqnI2Hk4CFKpSLLdcprDdHIkwVd5inTUj" target="_blank">https://forms.gle/u9tWz7e5jjiM29Vv6</a>
 
17.00 - 18.00 - Pallborðsumræður "Hvað getur þú gert til að auka aðgengi Döff áhorfenda og listafólks að sviðslistum?"
Í pallborði verða fulltrúar sviðslistasenunnar og stofnana, auk fulltrúa Félags heyrnarlausra, sem ræða þá spurningu sem gengið er útfrá.
Í pallborði verða: Vala Fannel, verkefnastjóri samfélagsmála Þjóðleikhússins Pétur Ármannsson, úr Sviðslistaráði Una Þorleifs, deildarforseti sviðslistadeildar Listaháskóla Íslands Heiðdís Dögg Eiríksdóttir, formaður Félags heyrnarlausra Emelía Antonsdóttir Crivello, skóla- og verkefnastjóri Borgarleikhússins.
Áhorfendur fá einnig tækifæri til að spyrja og taka þátt í umræðunni.
Staður: Stóri salur í Iðnó Stjórnandi: Ástbjörg Rut Jónsdóttir (Adda Rut) Ekki er þörf á að skrá sig, bara mæta!
 
20.00 - 21.15 - Haltu kjafti og horfðu #2 Lokapartý yfirtökunnar opnar með skemmtidagskránni Haltu kjafti og horfðu! #2, þar sem Döff listafólk býður til veislu fyrir skynfærin, hláturtaugarnar og hjartað. Döff listamanneskjur sýna hvað í þeim býr og veita áhorfendum magnaða innsýn í menningu Döff, með fjölbreyttum stuttum atriðum. Táknmálstúlkar raddtúlka viðburðinn eftir þörfum.
ÓKEYPIS AÐGANGUR! Staður: Stóri salur í Iðnó
 
21.30-24.00 - Lokapartý Skálum, spjöllum og njótum tónlistar í gegnum ólík skynfæri. DJ ökull spilar og AI Music Visualization kemur við sögu.

Listafólk

Viðburðir

Önnur verkefni