Katie Paterson

The Earth Has Many Keys

(Post)

Verk Katie Paterson eru mikilfengleg, bæði að umfangi og hugmyndafræðilega. Hún leitast við að færa það sem virðist óhugsandi og ómælanlegt yfir í kunnugleg form, svo sem klukkur, bókstafi, kerti og ljósaperur. Verk hennar fanga víðáttur himingeimsins og mannshugans, hafa yfir sér ljóðrænt ívaf hversdagsleikans, eru full leikgleði, ögra og hrífa í senn.
 
Jörðin geymir marga lykla færir alheiminn nær okkur. Sýningin ferðast milljarða ára aftur í tímann og tæplega hundrað ár fram á við. Við finnum lyktina af ósonlaginu, heyrum stjörnur deyja og skoðum leifar dýra og plantna sem uxu og döfnuðu áður en heimsálfurnar mynduðust. Lengd dags og nætur á Júpíter er sett í samhengi við tímann hér heima á Jörðinni.
 
Titill sýningarinnar, fenginn að láni úr ljóði eftir Emily Dickinson, gefur til kynna að Jörðin sé undirstaða vitneskju okkar um náttúruna, tímann, breytingar, alheiminn og okkur sjálf. Jafnframt minnir hann okkur á að enn er margt sem bíður þess að verða uppgötvað. Jörðin geymir marga lykla endurspeglar takmarkalausa forvitni Katie Paterson, sem nýtur oftar en ekki liðsinnis vísinda- og fræðimanna um allan heim til að skyggnast á bak við ystu sjónarrönd. Á sama tíma eru verk Katie Paterson brýn áminning um að endurhugsa samband okkar við náttúruna.

Gilbert & George: The Great Exhibition

Porous Tomorrow

Yfirtökusería Klúbbsins: Post-dreifing

Víkingur Leikur Debussy & Rameau

Common Ground

Einangrun

Yfirtökusería Klúbbsins: Dragsúgur

Klúbburinn: Svefnpokatónleikar

María Rún Þrándardóttir

Yfirtökusería Klúbbsins: Isle of Games

Vitni

Solastalgia

Listafólk

Viðburðir

Önnur verkefni