Pálína Jónsdóttir

Ewa Marcinek

Wiola Ujazdowska

Karolina Boguslawska

Robert Zadorozny

Mao Alheimsdóttir

Magdalena Tworek

Jördis Richter

Adam Świtała

*Í skugga heimsfaraldurs fékk Klúbbur Listahátíðar í Iðnó breytt hlutverk sumarið 2020. Fjölbreyttir listhópar fengu tækifæri til að taka yfir Iðnó í nokkra daga til þess að bæði skapa og sýna sína list.
Alþjóðlega leikfélagið REYKJAVÍK ENSEMBLE kynnti verk sitt Ég kem alltaf aftur / I Shall Always Return / Już zawsze będę tu wracać í klúbbi Listahátíðar eftir 2 vikna yfirtöku í ágúst 2020.
Verkefnið er samsköpunarverk í vinnslu eftir Pálínu Jónsdóttur leikstjóra í samvinnu við pólska listamenn á Íslandi, Adam Świtała, Ewa Marcinek, Jördis Richter, Magdalena Tworek, Mao Alheimsdóttir, Karolina Bogusławska, Robert Zadorozny, Wiola Ujazdowska.
Viðburðurinn er leikhúsgjörningur tileinkaður minningu og leikhúsarfleifð pólska leikhúshöfundarins Tadeusz Kantor en hann var gestur Listahátíðar fyrir 30 árum með framúrstefnuleikhópi sínum Cricot2 þar sem þau sýndu Ég kem aldrei aftur.
Í leikhúsgjörningnum verður þverlistrænum leiðum beitt til þess að benda á viðfangsefni verksins sem mun gefa áhorfendum innsýn og hugmynd um hvernig leiksviðsverk er í smíðum. Efniviðurinn er unninn upp úr rannsókn á áfallasögu pólskra einstaklinga og pólsku þjóðarinnar eða hinu ,,pólska minni” undir yfirskriftinni; að heiman í annan (íslenskan) heim. Með persónulegri nálgun og sjónarhorni inn í heim minninganna mun hópurinn framkalla og afhjúpa ósýnilegar hugmyndir og heima sem búa í sameiginlegri dulvitund þeirra. Gjörningurinn mun leika á mærum leikhúss, gjörninga, myndlistar og tónlistar sem eru sömu leikhúslögmál er einkenndu verk Kantors þar sem vísanir og draugar Dauðaleikhússins munu birtast og hverfa á mörkum draums og veruleika, lífs og dauða.
Verkefnið hlaut styrk frá Reykjavíkurborg og Mennta- og menningarmálaráðuneytinu.
Myndir Owen Fiene

Listafólk

Viðburðir

Viðburðir

Viðburðir

Viðburðir

Viðburðir

Viðburðir

Viðburðir

Viðburðir

Viðburðir

Önnur verkefni